Архангай аймгийн уран бүтээлчид “Сүүдрийн гэрэл” нэртэй бүрэн хэмжээний кино бүтээжээ.
Зураг авалтыг бүхэлд нь Архангайд авсан эл киноны найруулагчаар Л.Цэрэнтогтох, зураглаачаар Г.Бат-Ирээдүй, хөгжмийн зохиолчоор Г.Онон ажиллажээ. Багаасаа нөхөрлөсөн дөрвөн найз их сургуулиа төгсөөд нутагтаа ирж ажиллахаар тохирсон ч тэдэнд ажил олдсонгүй. Гэвч тэд бууж өгөлгүй төрсөн нутагтаа ажиллахаар зориг шулууддаг аж.
Эл киноны гол дүрд залуу жүжигчин Б.Болдбаатар, Б.Минжүүр, С.Наранчулуун нар тоглосон байна. “Сүүдрийн гэрэл” нь “Mongolian academy awards”-т хөдөө орон нутгаас оролцсон анхны кино болсон юм.
