"Хөлтрөг" аймшгийн уран сайхны кино.
Найруулагч: С.Болд-Эрдэнэ
Продюсер: А.Энхбаяр
Зохиолч: С.Болормаа
Дүрүүдэд: Н.Ялалт, О.Долгох, Р.Баттогтох, Н.Мөнхсоёл, Н.Ирмүүн, Ц.Төмөрбаатар, Ж.Оюундарь,
Студи: SB pictures, Logicfilm
Энэхүү кино нь эх үрийн хайр, хүүхэд бол бурханаас өгсөн бэлэг юм, Үүнийг хайрлах нь хүний чухал үүрэг. Мөн өсвөр насны охид хөвгүүдийн үерхэл, нөхөрлөл, хайр дурлалаас үүдэн гарах алдааныхаа үйлийн үрийг Замилан өөрийн биеэр амсаж байгааг 24 цагийн дотор өрнөж байгаа үйл явдлаар харуулдаг байна. Киноны нэрийн хувьд хөлтрөг гэдэг үгийг хөшиг хаалт гэдэг утгаар нь хэрэглэжээ. Тус киноны гол болон туслах дүрийг МУСТА Н.Ялалт, О.Долгор, Төрийн соёрхолт, МУГЖ Ц.Төмөрбаатар, МУГЖ Ж.Оюундарь Р.Баттогтох, МУСТА С.Болормаа зэрэг жүжигчид бүтээсэн бол “Татар” хамтлагийн дуучин О.Заяа, Франксеал хамтлагтай хамтран дууг нь амилуулжээ. Харин тус киноны зохиолыг найруулагч С.Болд-Эрдэнийн эгч С.Болормаа бичсэн. Тэрээр өмнө нь “Орхидос” киноны зохиолыг бичиж байсан, энэ нь тав дахь удаагийн кино зохиол нь юм байна. Киноны зураг авалтыг ихэвчлэн шөнийн цагаар хийж, гэрэл нь зөвхөн дэнлүүгээр шийдэгдсэн зэрэг онцлогтой аж.
